Berako Isidoro Fagoaga Udal Musika Eskolak piano entzunaldia eta Eguberrietako kontzertua iragarri ditu abenduaren 20 eta 21era, astearte eta asteazkenerako.
Astearte arratsaldeko 17:30ean piano antzunaldia hasiko da Musika Eskolan. Mendi Zubietak “Din dan don” herrikoia eskainiko du; Maria Gomezek Churchille-en “Los tres cerditos”; Terexa Alduntzin eta Oihan Alfarok Watermann-en “London” eta Bastian-en “The fairyh tale waltz”; Natalia de Diosek eta Mari Jose Bergara irakasleak Deuts-en “Fuchs, du hast die gans gestohlen”; Bixi Gorostidik “Zazpi jauzi” herrikoia; Nahikari Loiartek, Joxelu Loiarte saxofoiarekin lagun duela, Frank Humbert-en “Le charmeur des serpents” eta “Alligator”; Ainhoa Telletxeak eta Mari Jose Bergarak Emons-en “Swans and ducks docks” eta “Folk song”; Amaia Zelaietak “Gingle Bells” herrikoia; Leire Ruiz eta Maialen Ruizek Beyer-en “Allegretto”, Erramun Martikorenaren “Xalbadorren heriotza” eta Bastien-en “Mexican clap hands dance”; Ainara Ibarbourek eta Mari Jose Bergarak “Bonds successifs” eta Russian Lullabyren “Cradle song”; Jone Leiza eta Gemma Leizak Czernyren “Broken chords studies”, Beethovenen “Sonatina Sol M” eta Watermanen “Waltz”; Carmen Moreno eta Zuhatz Larrondok Maria Vaccaren “Nocturno” eta Alan Menken-en “Pocahontas”; Zuhatz Larrondok, bakarka, “Diabelliren “Scherzo”; Maialen Ruizek, txistuarekin Ibon Irastorza, Oier Larretxea eta Asier Oses lagun dituela, J. Hayan-en “Arietta” (allegretto) eta Sabin Bikandi Belandiaren “Lasa” (kontrapasa); Amaia Abuin eta Mari Jose Bergarak “Mazurka”; Idoia Martinezek Beethovenen “Claro de luna”; Katixa Etxegarai eta Nahia Teiletxeak Mozart-en “Ariette”, Czernyren “Estudio” eta Watermann-en “The two folksingers” eta entzunaldia bukatzeko, Irene Martinezek, Chopinen “Tristesse” eta John Lennon-en “Imagine” joko ditu.
Eguberrietako kontzertua asteazkenean
Abenduaren 21ean, asteazken arratsaldeko 17:30ean hasita, Kultur Etxean eskainiko du Musika Eskolak Eguberrietako kontzertua.
Hasteko, 5-6 urteko ikasleek, hastapen mailakoek, Musika Hezkuntzako lehenengo mailakoek eta Kulturako lehenengo mailakoek “Gabonak iritsi dira”, Bruno Marsen adaptazioa joko dute; Zuhatz Larrondo eta Carmen Morenon, pianoarekin Alan Menkenen “Pocahontas” joko dute; bibolin taldeak The Corrs taldearen “Silver Strand”; Ibon Irastorza lehenengo txistuak, Oier Larretxea bigarren txistuak, Asier Oses silboteak eta Maialen Ruizek pianoan, Jagoba Astiazaranen moldaketa duen Sabin Bikandiren “Lasa” (kontrapasa) joko dute; kitarra taldeak “Tarantela” italiar herrikoia; abesbatza eta pianoak Eva Ugalderen “Dizdira zeruan”; triki talde txikiak eta helduen pandero taldeak, pianoan Zuhatz Larrondo lagun dutela, Eva Ugalderen “Dizdizka zeruan”; triki taldeak, Mari Jose Bergara pianoan eta Igor Telletxea marimbarekin lagun dutela, “Mendi aldetik datoz” Xanti Espinaren Gabon kanta; triki taldeak, teklatuan Carmen Moreno eta marimbarekin Igor Telletxea dutela, M.M. Azpiazuren “Gau erdian soinua”; triki talde handiak, Oihana Amoros eta Ane Bereau panderojoleekin Ines Osinagaren “Nahi bai, baina”; talde instrumentalak Leonard Cohen-en “Hallelujah” eta bukatzeko, Musika Eskolako ikasle guztiek “Edurra teilatuan” herrikoia joko dute.