Bukatu da Bortzirietako eskuz binakako hamaikagarren pilota txapelketa. Guztira 46 bikote aritu dira bederatzi kategoriatan banatuta eta horietako batzuk izan zuten azaroaren 19an Lesakan jokatu ziren finaletan aritzeko aukera.
Finalak
Aurrebenjaminen mailan, Berako Gure Txokoako Iker Osua eta Jon Pagolak 18-7 irabazi zieten Gure Txokoako Unai Llucia eta Andoni Telletxeari.
Benjaminen B mailan, Lesakako Arkupeko Aritz Otxoteko eta Asier Larralde, 18-3 nagusitu ziren Etxalarko Altxatako Aiert Irigoien eta Unai Arburuaren kontra.
Benjaminen A mailan, Baztango Txarutako Mikel Ariztia eta Beñat Etxeberek 18-14 irabazi zieten Gure Txokoako Josetxo Sesé eta Asier Telletxeari.
Alebinen B kategorian, Gure Txokoako Xan Ongareti urruñarrak eta Arkupeko Jon Leiza 18-8ko emaitzarekin nagusitu ziren Gure Txokoako Oier Larretxea eta Xiker Lizardiren kontra.
Alebinen A mailan, Igantziko Biltokiko Enaitz Telletxea eta Arkupeko Aimar Otxotekok 18-7 irabazi zieten Gure Txokoako Mikel Eltzaurdia eta Yago Canterori.
Infantilen B mailan, Arkupeko Jonan Fagoaga eta Beñat Ordokik 18-8 irabazi zieten Oiarpeko Egoitz Etxabe eta Oihan Lopezi.
Infantilen A mailan, Txarutako Iker Espelosin sunbildarrak eta Enaitz Anso oiztarrak 18-11ko emaitzarekin irabazi zuten, Biltokiko Oihan Canabal igantziarraren eta Bingen Anduaga Lizarrakoaren aurka.
Kadeteen B mailan, Gure Txokoako Andoni Lazkanotegi eta Ibai Rosek 18-14ko markagailuarekin irabazi zieten Ronan Mendy eta Mattin Garbisu taldekideei.
Kadeteen A mailan, Gure Txokoako Ander Errandonea eta Iñigo Martinez nagusitu ziren, 18-15 irabazi baitzieten Arkupeko Jon Olaizola eta Xabi Azpiroz pilotariei.
Behin finalak jokatu ondotik, oroigarriak eman zitzaizkien partehartzaile guztiei eta kopak eta txapelak finalistei eta txapeldunei. Sari banaketan, Bortziriak pilota elkarteko, Arkupe pilotazale elkarteko eta Marisol Taberna Berako alkatea eta Jose Emilio del Rio Lesakako udal zinegotziarekin batera, pilota txapelketa honetan lagundu duen Arcelor Mittal lantegiko ordezkariak izan ziren.