Bidelagun elkarteak boluntariotza eta solidaritatearen inguruan Bertzearen larruan jarri bideo lehiaketa antolatu zuen eta aurkeztutako hamar lanen emanaldia eta sari banaketa azaroaren 30ean egin zen Beran.
400 euroko lehen saria Lekarozko Wellongivenido bideoak eskuratu zuen, Ana Antxorena, Enzo Betancourt, Darwin Cuenca, Sara El Ouardani , Flavio Gonçalvez, Tatiana Naula, Christian Orellana eta Victor Soulek egina: «gidoi zoragarriagatik, bideo landuagatik, harrera, solidaritatea eta mezu positiboagatik eta jende aunitz inplikatu duelakoz».
300 euroko bigarren saria Superlagun lanarentzat izan zen, Berako Toki Ona institutuko Igone Salinas, Jennifer Zelaieta, Ismael Perez, Jon Santamaria, Idoia Bertiz eta Ainhoa Altzugurenek egina: «sormenagatik, umore eta solidaritate mezua uztartzeagatik eta talde lana nabaria delakoz».
200 euroko hirugarren saria bi lanen artean banatu zen. Batetik, Lesakako Olaia Otxoteko, Idoia Irazoki eta Johanna Ramirezek egindako ¿Y si fueras tú la diferente? lanari, errealizazio lanagatik eta arrazakeriaren gaia ukitzeagatik. Eta bertzetik, Lekarozko Amaia Loiarte, Jone Uriarte, Uxoa Bertiz, Jokin Maia, Jon Zubieta, Mikel Sagaseta eta Ander Iraolak egindako Eskolako Itzala bideoari, «bullyng gaia errealismo eta gordintasunez tratatatzeagatik».