Biltoki elkarteko mus eta partxis txapelketei lekukoa utziz, azaroaren 26an eta 27an bukatu ziren Baratzondo jubilatuen elkarteko mus eta partxis txapelketak.
Guztira bederatzi bikotek parte hartu zuten partxis txapelketan eta hamarrek mus txapelketan. Eta txapelketa bakoitzean lau bikotek jaso dute saria.
Partxisean txapeldunak Amalia eta Teresita izan dira; azpitxapeldunak Carmen eta Teresa, hirugarrenak Eustakio eta Ana Mari eta laugarrenak Gerardo eta Urbistondo. Musean, berriz, Urtxegi eta Dorronsoro izan dira txapeldunak; bigarren Gerardo eta Urbistondo gelditu dira; hirugarren Bitoriano eta Josetxo eta laugarren Simeon eta Juan.