Jende aunitzek su egurren loteak atera eta etxera garraiatzeko zailtasunak dituela ikusita, herritarrei bertze aukera bat emanen die Udalak, loteak aprobetxatzeko. Aitzineko urtean bezala, Udala arduratuko da zuhaitzak bota, egurra atera eta eskatzaileak nahi duen tokiraino garraiatzeaz. Pista bazterrean utzi edo etxeko atariraino eramanen lukete, eskatzaileak nahi duen bezala. Loteak bortz toneladakoak izanen lirateke eta 200 euro ordaindu beharko lirateke horretarako.
Interesatuek 012ra deitu behar dute ortzirala, hilak 16, baino lehen. Izen-abizenak, telefonoa eta lotea eraman behar den lekua jakinarazi beharko dira deitutakoan. Loteak esleitutakoan, 012 bidez deituko da ordainketa egiteko eta ondotik banatuko dira.