Bertze urte batez, hainbat ekitaldi antolatu ditu Euskara Batzordeak abendu hasierari begira. Adin guztietako jendearentzako ekitaldiak izanen dira abenduaren 7tik 11ra eginen diren Kultur Egunetan.
ABENDUAK 7, ASTEAZKENA
• 20:30ean Agur, Manhattan antzezlana eskainiko du Xagu Taldeak Baratzondon. Gaur egun, estresak jende aunitz harrapatzen duenez, antzezlan honetan enpresari, etxekoandre, famatu eta abar ikusiko ditugu larri antzean, psikologoaren kontsultan.
ABENDUAK 8, ORTZEGUNA
• 11:30etik 20:00etara Igantziarren afizioak erakusketa eginen da Baratzondon, Biltoki elkarteak antolatuta. Hainbat afizioren inguruan eginen da: kirola, pintura, eskulanak, argazkiak, bildumak, bidaiak, laboreak... Erakusketa herritarrek utzitako puskekin eginen denez, afizio bereziren bat duenak Biltokikoei jakinarazi beharko die.
ABENDUAK 9, ORTZIRALA
• 17:00etan Musika musuka haurrentzako saioa Mattin irudigilearekin, eskolan. Mattinek haurrentzako albumetan parte hartu izan du irudiak eginez, eta eskolako ikasleekin eginen duen saioan, bere lana erakutsiko du eta haurrek ere parte hartuko dute.
• 19:00etan Marimendi emakumeen mendi taldearen emanaldia Ziberrean. Lehen ere izanduak dira Marimendi taldeko emakumeak Igantzin. Orduko hartan 2008an Elbrus (5.642 metro) Kaukasoko mendira egindako irteeraz aritu ziren. Aurtengoan 2010eko irteeraren berri emanen dute: Perun ibili ziren, Andeetan, 5.000 metrotik gorako hiru menditan.
• 17:00etatik 19:00etara eskolako liburutegia eta ordenagailuak erabiltzeko aukera izanen da, nahi duenarentzat.
ABENDUAK 10, LARUNBATA
• 16:00etan eta 17:45ean haurrentzako zine emanaldiak Ziberrean.
• 16:00etan Eguberrietako menu berri bat sukaldaritza ikastaroa Iñaki Pikabearekin. Bi orduko ikastaro honetan nahi duen guztiak parte hartzen ahal du. Halere, gehienez ere 20 lagunek parte hartu ahalko dute. Biltokin izanen da.
ABENDUAK 11, IGANDEA
• 18:00etan bizkotxo lehiaketa eginen da Biltokik antolatuta. Ondotik, txokolate beroa eta bizkotxoa eskainiko dira berendatzeko.