Hotza heldu da eta jendea hasia da etxeetan sua pizten. Horren harira, Bortzirietako Hiri Hondakinen Mankomunitatetik ohartarazi dutenez, «hori arazo larria izaten ahal da, errautsak zaborrontzietara botatzen direlako, eta ongi itzaltzen ez badira, zaborrontzi edo kamioiek su hartzen ahal dutelako». Horregatik, suko hautsak zaborrontzira bota baino lehen, bustitzeko edo ongi itzalita daudela ziurtatzeko eskatu du Hiri Hondakinen Mankomunitateak.