Kultur asteburua emankorra izanen da Beran. Urriaren 28an, ortziral arratsaldean haurrentzako ipuin kontalaria izanen da liburutegian eta larunbat arratsaldean “Izarren argia” filmaren proiekzioa Beralandetan.
Urriaren 28an, ortziral arratsaldeko 18:00etan hasita, Lur Korta ipuin kontalaria ariko da liburutegian, 4 eta 7 urte bitarteko haurrentzat “Otsoz otso” ipuinak kontari. Berako liburutegiak eta Berako Kultur Batzordeak antolatu dute ekimena.
Urriaren 29an, larunbat arratsaldeko 19:00etan, berriz, “Izarren argia” filmaren zinema proiekzioa eginen da Beralandetan. Espidobaita elkarteak antolatu du, Berako Kultur Batzordearen laguntzaz.
2010eko filman, Espainiako gerra ondoren Mutrikuko Saturrarango emakumeendako presondegian izandako gertakariak ageri dira.