Gure Txokoa Elkarteak antolatuta, Larunera mendi bizikleta ibilaldia eginen da igande honetan, urriak 30. Txirrindulariek 8,9 kilometro eta 850 metroko desnibela duen ibilbideari egin beharko diete aurre, Iamoteneatik abiatuta 905 metro dituen Larunera igoz. Eta bitartean, Eztegara, Altzate, Itzea auzoa, Usategieta, Landagaita eta Zizkuitzen barna pasa beharko dute. 10:00etan emanen zaio ibilaldiari hasiera. Izen-ematea egun berean egin beharko da Iamotenean, 10 euro ordainduta. Hiru sari banatuko dira: lehenbizikoak 200 euro jasoko ditu; bigarrenak 100 euro eta hirugarrenak 50 euro. Antolatzaileek ohartarazi dutenez, zailtasun haundiko ibilbidea da. Dutxak ere egonen dira futbol-zelaiko aldageletan.