Ekitaldi aunitzetako egunak datoz eta hurbilenekoak aipatzearren, urriaren 31n Txekiako The Gentlemen singers abesbatzak kantatuko du Kultur Etxean (19:30). Azaroaren 5ean Cuidadores Alzheimerrari buruzko dokumentala ikusgai izanen da Kultur Etxean (19:00); azaroaren 13an haurrentzako dantza saioa izanen da Kultur Etxean (17:00) eta azaroaren 22n, Santa Zezilia eguneko kontzertua Musika Eskolan (18:00).
Bertzetik, azaroaren 4an emanen zaio hasiera XIII. Kafe Antzerki Zikloari. Egun horretan Txirene taldearen Sarean zintzilikatua ikusgai izanen da Katakun (22:00); hilaren 11n Xagu taldearen Agur, Manhattan! eskainiko da Errekalden (22:00) eta azaroaren 20an Osoronen Buah Txabal! Auzoan (19:00).