Urriaren 12a ez zen besta eguna izan Lesakako Herriko Etxean. Udal bulegoak ohiko ordutegiarekin zabalik egon ziren Pilarika Egunean, baina horretaz gain, Udalak egindako deiari erantzunez, 30 herritar auzolanean aritzeko elkartu ziren.
Goizeko 09:00etan bildu ziren eta Onin erreka eta Erdiko Errotako kanala garbitzen aritu ziren. Ondotik, hameketakoa eskaini zien Herriko Etxeak.
Urriaren 12an ez ezik, abenduaren 6ko Konstituzio Egunean ere gisako zerbait egitea da Herriko Etxearen asmoa, euskaldunoi inposatutako besta egunak direlakoan.