Urriaren 12a ez da besta eguna izanen Lesakako Herriko Etxean. Udal bulegoak ohiko ordutegiarekin zabalik izanen dira Pilarika egunean, baina horretaz gain, herritarrak auzolanean aritzeko deitu ditu Herriko Etxeak.
Goizeko 09:00etan arkupetan geldituko dira eta udalaren asmoa Onin erreka eta Erdiko Errotako kanala garbitzea da.
Urriaren 12an ez ezik, abenduaren 6ko Konstituzio Egunean ere gisako zerbait egitea da Herriko Etxearen asmoa, euskaldunoi inposatutako besta egunak direlakoan.