Ametsari tira ta tira, Gaztetxea herrira izenburupean Gaztetxearen aldeko poteo, kontzentrazioa eta pelikula emanaldia antolatu du Lesakako Gazte Asanbladak urriaren 14ean, ortziral arratsaldean.
18:00etan poteoa abiatuko da Atxaspitik. 19:00etan kontzentrazioa eginen da plazan eta 22:00etan pelikula emanaldia Koxkillan. Kamixeta gorriak eramateko deia egin du Gazte Asanbladak.
Aipatzekoa da, urriaren 12an, azkeneko urteotan bezala, lanerako eta ikasteko aprobetxatu zuela Lesakako Gazte Asanbladak. 09:00etan krisiari buruzko hitzaldia eskaini zen Arranon, 11:00etan talo tailerra egin zen eta gero, sukaldatutakoarekin bazkaria.