“Poema berriak eta zenbait zahar” izenburupean, Kirmen Uribe idazlearekin solasean aritzeko aukera izanen da urriaren 7an, ortziral arratsaldeko 19:00etatik aitzinera Berako Herri Liburutegian, liburutegiak berak eta Berako Kultur Batzordeak antolatutako ekitaldian.
Idazle ezaguna
Kirmen Uribe euskal idazlea, Ondarroan (Bizkaia) jaio zen 1970ean, arrantzale familia batean. Euskal Filologia ikasi zuen Gasteizen eta Literatura Konparatuko graduondoko ikasketak egin zituen Trenton (Italia). Bere lehenengo literatur sari handia kartzelan zegoela jaso zuen 1995ean, intsumiso zelarik, Becerro de Bengoa saria hain zuzen, Jon Elordirekin batera moldatu zuen “Lizardi eta erotismoa” lanagatik.
2009ko urrian Espainiako Literatura Saria eman zioten, “Bilbao-New York-Bilbao nobelarengatik. Kirmen Uribek 2008ko Kritika Saria, Euskarazko nobelaren alorrean idazlan berari esker jasoa zuen.