Ohi bezala, Mesedeetako Andre Mariren besta ospatu zen irailaren 25ean Berako Dornaku auzoan. Berez, irailaren 24a da eguna, baina ohikoa denez, ondoko igande goizean kaperan meza ospatu zuten.
Mezan, urtean hildako auzotarren aldeko otoitza egiten dute eta aurten Balkezeneko Roxari Irazoki Matxikote izan zuten gogoan eta ondotik hamaiketakoa egin zuten. Garai batean, bazkaria ere egiten omen zen, hori bai, gizasemeek bakarrik.