Irailaren 28an, asteazken arratseko 20:00etan botako den altxaferoarekin abiatuko dira Igantziko San Migel bestak. Aitzinetik, 16:00etan, mus eta partxis txapelketak jokatuko dira eta lehen suzirien ondotik, kankailuak eta buruhaundiak txarangarekin ibiliko dira karrika bueltan herrian barna. 22:00etan Igantziko Biltoki elkarteko afaria eginen da eta gauerditik aitzinera dantzaldia.
San Migel eguna ortzegunean
Irailaren 29an, ortzegunean, San Migel egun handia ospatuko dute Igantzin. 10:00etan karrika buelta eginen dute txistulariek eta ezpata-dantzariek. 11:15ean Udalbatza, herriko ezpata-dantzari eta txistulariekin batera herriko ikurra aitzinean dutela, Herriko Etxetik elizara abiatuko dira meza nagusia entzutera. 11:30ean meza nagusia herriko abesbatzak kantatua. Ondotik bandera arbola doinuari dagokion ikurrin agurra plazan eta herriko ezpata-dantzarien saioa. 17:00etan pala partida jokatuko dute Susana Muneta eta Maite Ruizek, Iera Agirre eta Maider Mendizabalen kontra. 18:00etan berriz, pilota partida eskuz jokatuko dute Mikel Goñi eta Beñat Mitxelenak, Chafee eta Eskuderoren kontra. 20:30ean dantzaldia izanen da Gaubela taldearekin, baita gauerditik 02:00etara ere.
Herri bazkaria bertsolariekin ortziralean
Irailaren 30ean, ortziralean, 09:00etan dianak joko dituzte txistulari eta trikitilariek. 10:00etan puzgarriak izanen dira. 12:00etan betizuak eta txaranga. 14:00etan Baratzondon herri bazkaria izanen da Andoni Egaña eta Sustrai Colina bertsolariekin eta txarangarekin. 16:00etan berriz ere puzgarrietan ibiltzeko modua izanen da. 19:30ean zinea euskraz tenis pistan: Biki Bikingoa. 21:00etan zezen suzkoa eta ondotik muxikoak. Gauerdian kontzertua.
Herri kirol saioa larunbatean
Urriaren 1ean, larunbatean, 10:00etan karrika buelta eginen da gaiteroekin. 11:30ean kenpokai erakustaldia 12:30ean Karrika buelta kankailu eta buruhaundiekin. 13:00etan toka txapelketa frontoian. 18:00etan herri kirolak. Nafarroako emakumezkoen arpana txapelketa jokatuko da eta horretaz gain, harri altxatze proba, Bera eta Igantziko taldeen arteko konbinada eta herritarren arteko desafioa. 20:00etan zinea euskaraz tenis pistan: Pagafantas. Gauez DJa ariko da musika jartzen plazan eta 01:00etan elektrotxaranga karrikaz karrika.
Igandean azken ekitaldiak
Urriaren 2an, igandean, 10:30ean karrika buelta eginen da txistulari eta trikitilariekin. 11:00etan danza jazz ikuskizuna 13:30ean jubilatuen bazkaria Baratzondon. 16:00etan haurrentzako taillerrak. 18:30ean txokolatada. 20:00 zinea euskaraz tenis pistan: Sexua New Yorken. Honela bukatuko dira bestak.