Hutsik egin gabe, Dantzari Ttiki Eguna eginen da irailaren 24an, hamazazpigarren urtez Gure Txokoa Dantza Taldeak antolatuta. Berako dantzariekin batera, Ibarrako Alurr, Andoaingo Urki eta Sarako Zazpiak Bat dantza taldetako gaztetxoek karrikaz karrika erakutsiko dituzte beraien dantzak.
09:30ean ailegatuko dira kanpoko dantza taldetakoak eta harrera eginen zaie. 10:00etan auzoetara banatuko dira herriko dantzariekin batera: batzuk Agerrara joanen dira, bertzeak plaza aldera eta hirugarrenak Illekuetara. Kalejiran eta dantzan ibili ondotik, gosaldu eginen dute eta 12:00etan Iamotenean elkartuko dira. 12:30ean denak Altzatera joanen dira dantza saioa eskaintzera eta bazkaldu ondotik, jokoak izanen dituzte Eztegara pilotalekuan.