Uztailaren 28ko osoko bilkuran onartu zituen Udalak, hautetsien ordainsariak. Horren arabera, Marisol Taberna alkatea dedikazio esklusiboan ari da irailaren 1az geroztik, eta urtean 39.796,96 euroko soldata gordina izanen du, 14 ordainsaritan. Kopuruak urte hasieran udal langileek duten igoera bera izanen du. Bertzetik, hautetsiek 30 euro hartuko dituzte udal organoen bileretara joateagatik. Kopuru bera hartuko dute Udalak ordezkaritza duen bertze edozein erakunderen bileretara joateagatik ere, baldin eta erakunde horietan ez bada kobratzen.