Hutsik egin gabe, Dantzari Ttiki Eguna eginen da irailaren 24an, Gure Txokoa Dantza Taldeak antolatuta. Ibarra, Andoain eta lerro hauek idazterakoan konfirmatu gabe dagoen hirugarren dantza talde bateko gaztetxoak 09:30ean ailegatuko dira. 10:00etan auzoetara banatuko dira herriko dantzariekin batera: batzuk Agerrara joanen dira, bertzeak plaza aldera eta hirugarrenak Illekuetara. Kalejiran eta dantzan ibili ondotik, gosaldu eginen dute eta 12:00etan Iamotenean elkartuko dira. 12:30ean denak Altzatera joanen dira dantza saioa eskaintzera eta bazkaldu ondotik, jokoak izanen dituzte Eztegara pilotalekuan.
Helduentzako euskal dantza ikastaroak
Helduentzako euskal dantza ikastaroa antolatu du Gure Txokoa Dantza Taldeak. Irailaren 17tik azaroaren 19ra bitarte izanen da, larunbatetan 12:00etan. Izen-ematea larunbat honetan, irailak 17, egin beharko da.