Ekainaz geroztik lanean ari den udalbatza berriak hilabetero ortzegunetan eginen ditu bilkurak. Hurrengoak irailaren 15ean, urriaren 13an, azaroaren 10ean eta abenduaren 15ean eginen dira.
Batzordeak
Arlo bakoitzean izanen diren arduradunak ere zehaztu dira. Hala, Herri Lan, Hirigintza eta Ingurumeneko ordezkariak Lourdes Ibarluzea, Imanol Retegi,Anjel Urtxegi, Urtzi Loiarte eta Joxean Ortega izanen dira; mendi eta mendi bideen arduradunak Anjel eta Ismael Iturbide izanen dira eta kultura, euskara, kirolak eta bestetakoak Imanol, Urtzi eta Joxean. Herri zerbitzu eta azpiegituren mantenimenduez Imanol, Urtzi eta Mª Josefa Etxeberria arduratuko dira eta Ogasuna, gastu kontrola eta aurrekontuez Lourdes alkatea, Mª Josefa eta Joxean.
Erakundeetako ordezkariak ere izendatu dituzte eta Bortzirietako Hiri Hondakinen Mankomunitateko arduraduna Joxean izanen da eta ordezkoa Mª Josefa; Gizarte Zerbitzuen Mankomunitateaz Ismael arduratuko da edo bere ordez Mª Josefa. Euskara Mankomunitateko ardura Lourdesek hartu du beragain eta Osasun Kontseiluarena Mª Josefak. Bertizko Partzuergo Turistikoan arduraduna Ismael izanen da bere ordezkoa Lourdes. Cederna Garalurren Anjel ariko da eta udalen harremanetako taldea Joxeanek kudeatuko du edo bere ordez, alkateak. Eskola Kontseiluaz Mª Josefa arduratuko da.
Alkateordeak ere erabakiak dira. Lehen ordezkoa Imanol izanen da eta bigarrena Mª Josefa.