Uztailean bi udal batzar egin ziren Herriko Etxean, bertzeak bertze, gai hauek ukituz:
Ainara Maia zinegotziak kargua uzteko idatzi eskaera egin zuen uda aurretik. Uztailaren 1eko plenoan eskaera onartzea eta akordioa Hauteskundeetako Batzordera bidaltzea erabaki zen ordezkoaren kredentziala bidaltzeko eskatuz. Momentuz, ordezkorik ez da izendatu.
Ordezkarien ardurak
Udal plenoak hilabeteko lehendabiziko ortziraletan eginen dira eta alkateak eta zinegotziek dituzten ardurak zehaztu dira.
• Hirigintza, herriko eraikinak eta zerbitzuak: Jaime Iturria eta Imanol Artola.
• Ekonomia eta Ogasuna: Imanol.
• Turismoa: Koldobike Gorostiza.
• Mendia eta ingurumena: Jose Jabier Mitxelena Ordoki.
• Kultura, bestak eta kirola: Ander Almandoz.
• Auzolanak: Inazio Madariaga.
• Euskara Batzordea: Jaime Iturria.
Bertzalde, jakina da Bortzirietako Euskara Mankomunitatearen presidentea Jaime dela. Gainerakoan, eskualdeko erakundeetan hauek dira arduradunak:
• Hiri Hondakinen eta Gizarte Zerbitzuen Mankomunitateak: Jaime.
• Bertiz Partzuergo Turistikoa: Koldobike.
• Cederna: Imanol.
• Bortzirietako Osasun Kontseilua: Ander.
• Eskola Kontseilua: Koldobike.
• UEMA: Ander.