Sanestebanetako txupinazoan gertatu zenaren harira, Aralarrek eta Bilduk oharrak kaleratu dituzte.
Aralarrek «besten hasierako gertaerak eta alkatearen kontrako pintadak gaitzetsi» ditu. «Presoen ikurrak Herriko Etxeko balkoian paratu zituzten Bilduko kideek –dio Aralarrek–, aitzineko osoko bilkuraren ondotik inolako ikurrik ez paratzea adostu zenean». Hala, «kontsentsua puskatzea eta giroa kaskartzea leporatu dio Aralarrek Bilduri. Sanesteban egunez, alkatearen kontrako pintadak agertu izana ere kritikatu du. «Bigarren aldia da udal talde honen eta bere kideen kontrako pintadak agertzen direna, eta Bilduk isilik segitzen du».
Bilduren arabera, ordea, «gezurra da azkeneko plenoan adostu zenik txupinazo egunean udaletxeko balkoian presoen banderolarik ez jartzea. Pleno horretan Bilduk garbi erran zuen banderola jarriko zuela balkoian».Gaineratu duenez, «beraiek dioten erabaki hori hartu zutenean, ez zegoen Bilduko zinegotzirik». Horrekin batera adierazi dutenez, «UPNko zinegotzia, alkatea eta albintea banderola kendu nahian zalapartaka hasi arte, plazara hurbildutako jendetza lasai zegoen. Aipatutakoa ikusita hasi zen jendea oihuka eta txistuka».