Egur Sport enpresak antolatutako Urrezko Aizkolari Txapeldunen Ligako bertze saio bat jokatuko da gaur, ortzeguna, Bilbon, Aste Nagusiaren barne. Bi aizkolari ariko dira nor baino nor: Donato Larretxea aranztarra eta Aitzol Atutxa II.a bizkaitarra. 12:00etan hasiko da lehia.
Sei modalitatetan egin beharko dute lan bi aizkolariek: hasteko 45 ontzako enborra erdibitu kolpeka, ondotik erlojuaren kontra 45 ontzako enborra eta segidan bertikalean 45 ontzako enborra moztu. Abiadura neurtuz 60 ontzakoa ere egin beharko dute, bertikalean eta horizontalean 45 ontzako enbor bana ere bai, eta bukatzeko 54ko lau enbor.