Bederatzi bikotek parte hartu zuteneko sailkapen proba Baliarrainen (Gipuzkoa) jokatu zen abuztuaren 14an eta Iñaki eta Josetxo Barberenak (Iraizotz, Nafarroa) erraz ondu zuten iazko marka 42 segundotan (aurten 04:30) Maila Nagusiko finalerako txartela eskuratuz. Bigarren Julen Etxebarria eta Igor Astondoa (Zeanuri, Bizkaia) sailkatu ziren (05:56) eta hirugarren postua Igor Lasaga eta Xabier Galarregik (Bera-Etxalar) erdietsi zuten (06:08).
Sailkapen proba honetan hiru txandatan banatuta aritu ziren bederatzi bikoak eta Maila Nagusiko finala irailaren 3an jokatuko da Donostian, emakumezkoen txapeketarekin batera, 18:00etan.