Etxetik hurbilago jokatuko du Ane Bergara futbolariak (Bera, 1987) denboraldi honetan. Izan ere, Bartzelonako Espanyol futbol taldean zazpi denboraldi egin ondotik, Realera etorri baita. 2004az geroztik talde kataluniarrean jokatu ondotik, emaitza bikainak eskuratuta etorri da Euskal Herrira: urte hauetan Espainiako Liga behin irabazi du eta Erreginaren Kopa hiru aldiz. Champions-en jokatzeko aukera ere izan du 24 urteko gazteak.
Talde donostiarrak eskaintza bat baino gehiago egin izan dizkio Berako futbolariari eta azken eratzuna baiezkoa izan da. Uztailaren 28an hasi zen Jose Manuel Etxaberen aginduetara Realarekin entrenatzen eta irailaren 4an izanen dute lehendabiziko partida, Valentziako taldearen kontra kanpoan.