Berako besten aitzineko asteburuan, plater tiraketa txapelketa jokatu zen Lizuniagako tiro zelaian. Foso modalitatean aritu ziren 21 tiralari.
Hogeita bortz plater bota behar zituzten eta denak haustea lortu zuten bortz lagunek, Berako Txitxo Jauregi, Joseba Dagerre, Francisco Javier Iriarte eta Jose Antonio Izagirrek eta Iruñeko Rafa Lekunberrik. Hondar seriean, desenpatea egin zuten 15 plater haustera eta oraingoan Dagerre nagusitu zen, Izagirre, Jauregi, Lekunberri eta Iriarteren aitzinetik. Sailkapenean segidan, 24 plater hautsi zituzten Patxi Compare, Pablo San Martin eta Juan Antonio Obregon sailkatu ziren eta 23 plater hautsita gelditu ziren Cesar Orokieta, Pedro Hualde eta Miguel Rodriguez.
Kategoriaren arabera, lehen mailan Jauregi suertatu zen garaile, bigarren mailan Izagirre eta hirugarrenean Dagerre.