Uztailaren 23an, larunbata, ospatuko dira Arantzako Ballekas auzoko bestak. Egun osoko egitaraua prestatu dute Ballekasko Zimizta Arantza elkartekoek.
11:00etan, trikipoteoarekin ekinen dioten bestari, herri guztian barrena ibiliko direlarik. 12:30ean enkartelada eginen dute Arantzako plazan. 13:00etan Ballekasera joanen dira eta txupinazoa botako dute. Ondotik 13:30ean Ballekasko dantzariak izanen dira protagonista eta euren emanaldia eginen dute.
14:30ean bazkaria eginen dute, ondotik bertsolari eta albokariek alaituko dute giroa. 17:30ean jokuak antolatu dituzte haur eta helduentzat. 20:00etan musika izanen da talde sorpresa batekin. 22:00etan zingar jatia eginen dute eta ondotik berriz ere musika eta dantzaldia izanen da protagonista.