Iaz hasi ziren Beheko Pisutako bizilagunak mugitzen eta egun ederra atera zen. Aurtengoan ere berriz Ballekasko bestak antolatu dituzte eta larunbat honetan, hilaren 23an egun osoan zer egin izanen da.
Goizeko 11etan herriko karriketan barna trikipoteoa eginen dute. Ondotik, herriko plazan enkartelada eginen da, 12:30ak aldera. Ordubatean, Ballekasen altxaferua botako dute. Gero, bertako dantzarien saioa izanen da. Herri bazkarian bilduko dira gero, eta bazkalostea bertsolariek eta albokariek girotuko dute. Arratsaldean, 17:30ean haur eta helduentzako jokoak prestatuko dituzte. Ilunabarreko 20:00etan musika (sorpresa) izanen da eta 22:00etan zingar jatea eginen dute. Ballekaskoek herritar guztiak gonbidatu dituzte bestarekin gozatzera.