Liburuak, bideoak, DVDak, CDak, aldizkariak, ordenagailuak... Denetarik aurki daiteke eskolako mediaketa berrian. Material hori sailkatzen eta katalogatzen eman dituzte azken hiru urteak. Ikasturtean ikasle eta irakasleek egiten duten lanari gurasoek uda partean ematen diote segida. Uda honetan ere dozenaren bat guraso ari dira katalogazio lanean eta badirudi uda honetan bukatuko dutela lana. Momentuz material hori eskolakoen eskura dago, baina zerbitzua herri osoari eskaintzea da asmoa, Joxean Ortega eskolako zuzendariak aipatu digunez.
Iaz, Nafarroako Gobernuak irakurketa indartzeko antolatutako sariketan, 250 euro eman zizkion eskolari.