ENHE Nafarroako nekazaritza sindikatuaren ‘Emakume baserritarren begiradak’ izeneko erakusketa zabaldu dute Berako Gure Txokoa elkartean. Uztailaren 19an, asteartea, zabaldu zituen ateak eta igandera arte, uztailak 24, egonen da bertan. Uztailaren 22an, ortzirala, baserriko produktuen dastaketa eskainiko dute bertara hurbiltzen direnentzat.
Erakusketako argazkiak Rakel Rico beratarrak eginak dira. Helburua emakume nekazariak ikustaraztea, landa eremuan dituzten zerbitzu eskasiak eta aurreko emakume baserritarrren belaunaldiak omentzea dira.
Landa eremuko 60 argazkiz osaturiko erakusketa da, famili eta bereziki emakumeen bizitza kalitatea hobetzea aldarrikatzen dute.