Lesakako Arkupe pilotazale elkarteak lehen aldiz antolatu duen eskuz binakako pilota txapelketaren finalak jokatuko dira ekainaren 23an, larunbat goizeko 09:30etik aitzinera Lesakako udal pilotalekuan.
Umeen mailan, Azpeitiko Illunpeko Alberdi eta Galarraga, Añorgako Oier eta Eñaut Izetaren kontra ariko dira.
Kimu mailan, Illunpeko Alberdi eta Egiguren, Errekako Iker Salaberria goizuetarraren eta Iraitz Zubizarreta ataundarraren kontra ariko dira.
Haurren kategorian, Berako Gure Txokoako Ander Errandonea eta Iñigo Martinez, Igantziko Biltokiko Oihan Canabal eta Lesakako Arkupeko Julen Palenzuelaren kontra ariko dira.
Kadeteetan, Biltokiko Unai Telletxea eta Huarteko Joseba Sarasa, Huarteko Unai Astiz eta Aritz Goñiren kontra ariko dira.
Gazte mailan, azkenik, Lizarrako San Miguel elkarteko Sanz eta Diaz, Oiartzungo Oiarpeko Xabier Barandiaren eta Ander Imazen kontra ariko dira.