Alkaiaga Trail lasterketaren bigarren edizioa eginen da larunbat honetan, uztailaren 23an. Alkaiagako bizilagunek (Alkaiagako sasi-ardi artzai batzordearen izenarekin) eta Manttale mendi lasterketa taldeak antolatutako proba hirukotetan txandaka egiten da. Hiru lasterkarietatik bat bederen emakumea izatea nahi dute antolatzaileek. Lehenbiziko erreleboa egiten duen korrikalariak bi kilometroko zirkuitoari itzulia eman beharko dio eta bigarrena eta hirugarrena egiten dutenek 3,3 kilometroko ibilbide luzexeagoa egin beharko dute Baldrunen barna.
Modu berean, lehenbiziko edizioan inguruko korrikalariak aritu baziren ere, Mountain Running International Cup edo Munduko Mendi Koparako puntuagarria dela ohartarazi dute kartelean.
Senior kategoriako korrikalariak 17:30ean abiatuko dira eta 16 urtez beheitikoak ordu erdi lehenago. Hauek doan izanen dute izen ematea eta helduek, berriz, 5 euro ordaindu beharko dute.
Lasterketa bukatzerakoan, sariak eta berendua banatuko dira partehartzaileen artean