Uztailaren 23an, larunbata, eginen da Igantzin Biltoki elkarteak antolatutako Mendi Bizikleta Jautsiera. Aurtengo edizioak Xabi Telletxea zenaren izena hartuko du. Proba Euskadiko Openerako saio puntuagarria izanen da.
Goizean izen-emateak eta entrenamenduak eginen dira. 08:30etik 12:00etara izanen da horretarako aukera. Parte hartzeko 15 euro ordaindu beharko dira eta dortsalarekin 20 euro.
Arratsaldean hasiko da proba. 15:00etatik aitzinera bi txanda izanen dira. Ibilbidea urterokoa izanen da: Fraingo antenatik abiatu eta herrira jeitsi ur depositu zaharrean barna.
Horrez gain, 12:30ean Xabi Telletxea zenari omenaldia eskainiko zaio Frainen.