Duela lau urte Taillon igotzen ari zirela hildako Luis Mari Loro Pikabea, Jabier Zubieta eta Xabi Saralegiren omenez oroitarria jarri zuen mendizale talde batek 2009ko uztailean, leku berean. Norbaitek oroitarri hura bere tokitik atera zuen eta larunbat honetan, uztailaren 16an, berriz ere Bera, Lesaka eta Igantzitik joandako 40 laguneko mendizale talde batek oroitarria bere lekuan paratu zuen.
Mendizaleetako batzuk Taillon igo zuten eta bertze batzuk, Gavarnieko zirkoa egin zuten. Eguraldi ona izan zuten mendirako, nahiz eta Taillon kaxkoan haizea eta hotza egin. Beheitirakoan bazkaldu eta etxera bueltatu ziren.