Iragarri bezala, uztailaren 23an, larunbatarekin eginen da Biltoki elkarteak antolatutako Mendi Bizikleta Jautsiera, aurten Xabi Telletxea zenaren izena hartuko duena. Gainera, Euskadiko Openerako saio puntuagarria izanen da.
Goizean izen-emateak eta entrenamenduak eginen dira. 08:30etik 12:00etara izanen da horretarako aukera. Parte hartzeko 15 euro ordaindu beharko dira eta dortsalarekin 20 euro. Arratsaldean hasiko da proba. 15:00etatik aitzinera bi txanda izanen dira. Ibilbidea urterokoa izanen da: Fraingo antenatik abiatu eta herrira jeitsi ur depositu zaharrean barna. Horrez gain, 12:30ean Xabi Telletxea zenari omenaldia eskainiko zaio Frainen.