Ikasturtea bukatzearekin batera Labiaga ikastolako langileek lehen sorospenen inguruko ikastaro bat jaso dute. Amaia Irazoki Haur Hezkuntzako koordinatzaileraren arabera, klaustro mailan ikusi zuten eremu honetan ikastaro baten beharra zegoela, “haurrekin lan egiten dugun guztiok gerta daitezkeen hainbat egoeraren aitzinean nola jokatu jakin behar genuke”.
Fundación Zona Miocardioren elkartearen eskutik jaso dute ikastaroa. Irakasleek parte hartzeaz gain, ikastolako gainontzeko langileek ere parte hartu dute, baita gurasoeek ere. Ikastaroa egin ondotik sorosle titulua jasoko dute.
Bi egunetako ikastaroan larrialdien aurrean nola jokatu azaldu diete, itolarri, erorketa eta bihotzekoen aurrean bertzeak bertze. Erea berean desfibriladorea erabiltzen ere ikasi dute eta sorosle titulua izanda erabiltzeko baimen ofiziala izanen dute Labiagako langileek.