Asier Gogortza argazkilari beratarraren Concrete Landscapes erakusketa izango da gaur hasi, uztailak 1, eta uztailak 3a bitarte Erroman, Dipartimento di Lingua e Cultura Basca dell'Upter eta Euskara Kultur Elkarteak antolatuta. Erakusketa Forte Prenestino zentro sozialean ospatzen den Occhirossi - Festival di fotografia indipendente-n ikusi ahal izango da.
Concrete Landscapes gaur egun erabiltzen ez diren eta zenbait kasutan paisaian bermoldatu diren bunker militarretan egindako argazki bidaia da. Asier Gogortzak “pin hole” kamerak balira erabiltzen ditu porlanezko bunkerrak. Barruko pareta horietan islaturik geratzen da kanpoko paisaiaren irudia eta Gogortzak esposizio luzeko argazkiak egiten dizkie irudioi. Modu hortan, naturari ebatsi eta naturatik zurgatutako argiek, porlanezko hormak moldatzen dituzte, batuketa metafora harrigarri batean.