Bortzirietako herrietatik euskal preso eta iheslari politikoen aldeko mendi martxa egin zen Frainerat joan den maiatzaren 29an.
Arantzatik Isolamendurik ez! lemapean, Beratik Biziarteko zigorrik ez!, Etxalartik Iheslariak etxerat!, Igantzitik Euskal presoak etxerat!, eta Lesakatik Iñaki askatu! lemarekin, herriko semea den Iñaki Fagoagaren askatasuna aldarrikatzeko. Fagoagak zigorraren hiru laurdenak beteak ditu, beraz, legez kalean behar luke.
Eguerdi aldera Frain kaxkorat ailegatu ziren. Txalapartaren doinuarekin hasi zen ekitaldia, eta ondotik inguruko euskal preso eta iheslarien senide eta lagunei aurreskua dantzatu zitzaien. Segidan, Anmistiaren Aldeko Mugimenduko kide batek hitza hartu zuen, euskal preso politikoen kontrako espetxe politikoa gero eta makurragoa dela salatzeko, eta horrekin akautzeko modu bakarra herri presioa areagotzea dela aldarrikatuz. Asteotan egitekoak ziren Egin dezagun bidea deitutako herri batzarretara joateko gonbitea egin zen.