Igande honetan, ekainaren 5ean, eguraldi ederra lagun, Errealeko Genaro Taldeak eta Osasunako Bortzirietako Gorriak peñak antolatutako lehen ibilaldi arautua burutu zen. Alkaiagako frontoitik hasi eta Lesakako Koxkila ostatuan bukatzen zen bidea egin behar izan zuten parte hartzaileek.
13 bikotek hartu zuten parte eta bertan irabazle Berako Eulalia Garmendia eta Faustino Errandonea izan ziren, hauek izan baitziren, 2minutu eta 28 segunduko gora beherarekin, 2 ordu, eta 22 minutuko bataz bertzeko denborara gehien hurbildu zirenak.
Indarrak hartzeko, ibilbidean zehar pare bat janari/edari postu izan zituzten. Bertzalde, Ibilaldiaren bukaeran luntxa eskaini zitzaien parte hartzaileei eta ondotik bi peñetako kideek anai arteko bazkari batean senidetze ekitaldi bat egin zuteneta bukaera aldera elkarri oroigarriak banatu zizkieten. Bi peñak elkarlanean antolatzen duten lehen ekitaldia izan zen ibilaldi arautuarena. Aurtengoa ikusiz hurrengo urtean berriz ere errepikatzeko gogoa adierazi dute antolatzaileek