Beti Gazte elkarteko mendi taldeak ekimen berezia antolatu du datozen hilabetetarako: Donejakue edo Santiago Bidearen zati bat eginen dute, hilabetean etapa bat eginez. Lehenbizikoa igande honetan, maiatzaren 15ean eginen dute, Baiona eta Zuraide artean (24,75 km). Lehenbiziko ateraldi honetarako autobusa antolatu dute. 07:15ean abiatuko da Plaza Zaharretik eta 18:00 aldera itzuliko da. Hurrengo hilabetetan Zuraide-Elizondo (29,70 km), Elizondo-Lantz (25,13 km) eta Lantz-Iruña (27,94 km) eginen dituzte. Lehenbiziko ateraldi honetan izaten den erantzunaren arabera erabakiko da hurrengoetan autobusa antolatu edo kotxetan joan.