Beheko Plazako 5.ean dagoen Lesakako Turismo Bulegoko ateak zabalik daude apirilaren 19tik maiatzaren 1era. Zehazki, apirilaren 19tik 24ra eta 27tik 30era, goizeko 10:00etatik 14:00etara eta 16:00etatik 19:00etara zabalduko ditu ateak. Apirilaren 25ean, Bazko Astelehenez, eta maiatzaren 1ean goizez, 10:00etatik 14:00etara zabalduko ditu ateak eta apirilaren 26an itxita egonen da.
Irakurketa kluba
Lesakako Irakurketa Klubak bertze hitzordua izanen du apirilaren 23an, larunbat arratsaldeko 18:30ean, Udalak Koskonta Bideko 7.eko bigarren solairuan duen egoitzan. Irakurketa Klubak antolatu du ekitaldia Udalaren laguntzaz.