Berako Udalak, Sud´eau proiektuaren baitan, herrian uraren erabilera zuhur eta arrazionala egin nahi du. Udal instalazio batzuetan egiten den ur kontsumoa txikitzeko ardura ere hartu du. Hori dela eta Toki Ona udal kiroldegia, Matzada futbol zelaian, Ricardo Baroja ikastetxea eta udako igerilekuetan eraginkortasun neurrien ezarpen mailakatua burutzen ari da. Oraingoz proba moduan egiten ari dira aldaketa hauek, baina aurrerago gainontzeko eraikin publikoetan eginen dira aldaketak.
Udalak bidali duen eskutitzarekin batera instalazioetan ura modu eraginkorrean erabiltzeko oharrak banatu ditu. Horrez gain kaniletan aurrezteko dispositiboak banatuko ditu udaletxera hurbiltzen diren guztiei.