Bestetako egitarauaren azalerako lehiaketaren deialdia egin du Kultur Batzordeak. Nahi duen guziak parte hartu ahal izanen du, eta nahi hainbertze lan aurkeztu. Azalak besta giroa islatuko du eta beti ere Sanesteban Bestak 2011 testua agertu beharko da. Formatuari dagokionez, argazkia edo kartela kolorezkoa izanen da, paperean aurkeztuko da, eta bertikala izanen da, 18x24 zentimetrokoa. Argazkia edo diseinua ez da inongo euskarriren gainean paratuko. Ahal den neurrian aurkeztutako lanak CD-an eranstea eskertuko da.
Lanek jatorrizkoak eta argitaratu gabeak izan beharko dute eta apirilaren 29a baino lehen aurkeztu beharko dira Herriko Etxean. Epaimahaia Kultur Batzordeak izendatuko du eta sari bakarra emanen du, 300 eurokoa. Lehiaketa hutsik ere gelditzen ahal da. Sarituak izan ez diren lanak bestetako programan erabiltzeko eskubidea ere izanen du Udalak.