Eskualdeko txistulariak ez ezik, Nafarroako bertze herrietatik eta Gipuzkoatik etorritako 90 bat musikari elkartu ziren martxoaren 20ko Txistulari Egunean. Bortzirietatik, Bera, Arantza, Lesaka eta, lehen aldiz, Etxalarkoak bildu ziren, baita Doneztebe eta Leitzakoak ere. Baina baziren Tafalla, Azkoien, Lizarra eta Agoitzetik hurbildutakoak ere, edota Hernani, Irun edo Pasai Donibanetik. Jose Mari Gainza eta Matias Irazoki Berako txistulari beteranoei omenaldia ere eskaini zitzaien, eurek izan baitziren txistua jotzeko ohitura eta hainbat dantza mantendu zituztenak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun