Apirilaren 9an eginen da herriko gazteak bilduko dituen Gazte Eguna. Horren harira, Kaxerna Gaztetxeak egitarau osatua prestatu du, baina aldi honetan, mozorrotzeko gonbitea egin du, eta norberak bere edalontzia ekar dezan eskatu.
09:00etan egin dute hitzordua kiroldegi parean. Diana eginen dute eta ondotik, 10:00etan, altxorraren bila abiatuko dira. 13:30ean kalejira izanen da eta 14:00etan gazte bazkaria Kaxernan. 17:00etan jolasak eta karaokea izanen dira eta 20:00etan luntxa. 21:00 aldera DJ Zurtaiarekin musika izanen da.
Txartelak apirilaren 2ra arte egonen dira salgai 10 eurotan, Ikuilu, Kataku eta Errekalden.