Nafarroako Larrialdi Agentziako suhiltzaileek martxoaren 26an, larunbat goizean gertatu zen sute bat itzali zuten. Sutea 10:45 aldera gertatu zen Meaka Gaina inguruan, sasiak erretzeko emandako sua eskapatu eta markatutako mugak gainditu zituenean. Lesakako suhiltzaile boluntarioekin batera Oronozko profesionalak aritu ziren eta 15:15 aldera lortu zuten sua itzaltzea. Halere, 4 Hektarea terdi larre eta sasi erre zituen suak, baita oihanberritzeko hogei bat pinu ere, 15 bat urtekoak.
Erratzun ere
Erratzun ere sutea izan zen larunbat goizean eta hiru hektarea sasi erre zituen. Oronozko suhiltzaileak 09:50ean hasi ziren lanean eta 12:20 aldera itzali zuten sutea.