Apirilaren 7an Trebiñun abiatu eta hamar egunen buruan Donostian bukatuko den Korrikaren 17. edizioa herri barrenetik pasako da. Apirilaren 11n, astelehenarekin, izanen da, 2:30 aldera. Dena den, orain dela bi urteko edizioan, goitik beheiti laster egitea tokatu bazen, aurtengoan, alderantziz izanen da: beheitik goiti egin beharko da. Berrizaunen barna ailegatuko da herrira, eta herritik Lesakarako bidea hartuko du Korrikaren lekukoak.
Korrikari dagokion guztia antolatzeko, Euskara Batzordea ari da lanean. Kilometroen salmenta egiten ari da, eta lehenbiziko aldiz, herriko denda eta ostatuetan Korrika Lagun ekimena eginen da, diru bilketa, alegia.