Berako Ehiza eta Arrantza Elkarteak antolatutako Zuhaitzaren Egunak arrakasta ederra izan zuen martxoaren 13an, igande goizean. Kasik ehun lagun hurbildu ziren Lizuniaga granja ondora, horietako aunitz neska-mutiko ttikiak, Udalak emandako bertako haritzak landatzeko asmoarekin.
Guzira 50 zuhaitz landare inguru landatu zituzten eta aurten ere zuhaitzek txartel bana zuten, landatu duenaren izenarekin. Auzolanean parte hartu zutenendako hameketakoa eskaini zuen Ehiza eta Arrantza Elkarteak. 30 bat urte daramazki Berako Ehiza eta Arrantza Elkartea egun hau antolatzen eta partehartze handia izaten ari da azken urteetan.
