90 pilotarik hartu dute parte aurtengo Bortzirietako Eskuz Banakako Txapelketan. Arantzako Ekaitza, Baztango Txaruta, Berako Gure Txokoa, Etxalarko Altxata, Hondarribiko Pilota Eskola, Igantziko Biltoki, Iruñeko Donibane, Lesakako Arkupe eta Oiartzungo Oiarpe pilota eskoletakoak dira parte hartu duten pilotariak. Abenduaz geroztik lehian ibili ondotik, otsailaren 12an jokatu ziren txapelketaren hamargarren edizio honetako finalak Lesakako pilotalekuan. Gehienak partida borrokatuak eta orekatuak izan ziren, eta ikusleak gustura egon ziren.
Aurrebenjamin mailan, Lesakako Arkupeko bi pilotari izan ziren aurrez aurre eta partida borrokatu baten ondotik, Imanol Ugaldeberek 18-16 irabazi zion Xuban Fernandezi.
Benjamin B mailan ere partida polita ikusi zen eta Igantziko Biltokiko Patxi Loiartek 18-14eko markagailuarekin irabazi zion Lesakako Arkupeko Asier Larralderi.
Benjamin A mailan, Txaruta pilota eskolako Oier Ariztegi nagusitu zen, 18-15eko emaitzarekin Goizuetako Umore Onako Eñaut Apezetxeari irabazi zion.
Alebin B mailan, Etxalarko Altxata elkarteko bi pilotariren arteko lehia izan zen eta Andoni Iribarrenek 18-12 irabazi zion Eneko Sanzberrori.
Alebin A mailan, Oiartzungo Oiarpeko Ekain Etxeberriak 18-9 irabazi zion Berako Gure Txokoako Mikel Eltzaurdiari.
Infantil B mailan, Berako Gure Txokoako Ibai Rosek 18-11 irabazi zion Igantziko Biltokiko Oihan Canabali.
Infantil A mailan, Berako Gure Txokoako Ander Errandonea nagusitu zen, 18-11 irabazi baitzion Iruñeko Donibaneko Unai Lasori.
Kadete mailan, azkenik, Lesakako Arkupeko Jon Olaizolak 18-2 irabazi zion Berako Gure Txokoako Xabi Mendiri.