«Mairu eta Kristauak, San Ferminetako inauteriak» dantza saioa eskainiko du otsailaren 26an, larunbat arratseko 20:30etik aitzinera Lesakako Tantirumairu Euskal Folklore Taldeak, dantza taldearen 30. urteurrena ospatu bidenabarkoan.
Ordu horretan Atxaspitik abiatuko dira dantzariak eta garai batean Lesakako inauterietan egiten ziren mairu eta kristauen arteko dantza jokuak irudikatuko dituzte, bi taldeen arteko gorabeherak eta borrokak. Dantza antzeztuan oinarritzen da ikuskizuna eta karrikaz karrika ibili ondotik, Plaza Zaharrean bukatuko dute ibilbidea.